കുറെ നേരമായി പെയ്യുന്നു ..ഇത് വരെ തോര്‍ന്നില്ല
ശരിക്കും പ്രകൃതി കരയുകയാണോ ?
ഇടക്കെപ്പോഴോ തോന്നി , ഈ പ്രകൃതി നമ്മളോട് പറയുന്നില്ലേ ഒരു നഷ്ട്ടപ്പെടലിന്റെ കഥ ..! ഒരു പ്രണയ കഥ !
ഒരുപാട് കാമുകന്‍മാരുടെ കണ്ണ് നിറച്ച ആ മഴ, തകര്‍ത്തു പെയ്യുകയാണ് .. ഇത് വരെ തോര്‍ന്നില്ല
എന്തോ...
മനസ്സ് ശാന്തമാണെങ്കിലും .. നഷ്ടബോധത്തിന്റെ നേരിയ വേദന ..
മനസ്സ് ആര്‍ദ്രമായപ്പോഴെല്ലാം അവളെ ഓര്‍ത്തു എന്നല്ല .... അവളെ ഓര്‍ക്കുമ്പോള്‍ മനസ്സ് ആര്‍ദ്രമാവുകയായിരുന്നു..
എന്നാല്‍ ... അവളെ ഓര്‍ക്കാത്ത ഒരു നിമിഷം പോലും ഉണ്ടായിരുനില്ല എന്നതായിരുന്നു സത്യം ...
പഴകി ദ്രവിച്ച ജനലിലൂടെ അങ്ങ് ദൂരെ നോക്കി നില്‍കുമ്പോള്‍ ,
നിശ്ചലമായോരെന്‍ മിഴികളില്‍ , പുറത്തു കോരി ചൊരിയുന്ന മഴ കാണാം ....ഇത് വരെ തോര്‍ന്നില്ല
അവശേഷിക്കുന്നോരെന്‍ ആത്മാവറിയുന്നു നിന്‍ സാന്നിധ്യം ..
No comments:
Post a Comment