തിരിച്ചറിവ്

കാലം എത്ര കഴിഞ്ഞാലും
നഷ്ട്ടങ്ങള്‍ എന്നും നഷ്ട്ടങ്ങളായി തന്നെ ശേഷിക്കും ...
ഒരുപാട് വൈകിയെത്തിയ ഒരു തിരിച്ചറിവ് , ഇന്നെന്‍റെ ഹൃദയത്തെ മുറിവേല്‍പ്പിച്ചിരിക്കുന്നു
ഇപ്പോള്‍ നിന്‍റെ കണ്ണുകളില്‍ എനിക്ക് കാണാം ,
ഒരുപാട് ജന്മങ്ങളായി നീ കാത്തുസൂക്ഷിച്ച പ്രണയത്തിന്‍റെ തിളക്കം ...
എന്തേ ദൈവം ഇത്ര നാളും എനിക്ക് കാഴ്ച തന്നില്ല....?
പരിഭവമോ പരാതിയോ ഒന്നുമല്ല ... ഒരു സംശയം മാത്രം ...

അന്ത്യം

അവസാനത്തെ ഒരു പിടി ഭക്ഷണവും കഴിച്ചു ...
തൂക്കുമരത്തിലേക്ക് പോകുന്ന പ്രതി ...
കൈകള്‍ പുറകിലോട്ടു കെട്ടി , കറുത്ത തുണി കൊണ്ട് കാഴ്ച മറച്ചു, കഴുത്തില്‍ കൊലകയറണിഞ്ഞു നില്‍ക്കുമ്പോള്‍
അവന്‍റെ മനസ്സില്‍ എന്തായിരിക്കും?
താന്‍ ചെയ്ത തെറ്റിന്റെ കുറ്റബോധമോ.... അതോ കൈവിട്ടുപോയ ജീവിതത്തെക്കുറിച്ചുള്ള നൊമ്പരമോ ?

യാത്രയാകുന്നു

ഒരുപാട് നാള്‍ ഒന്നിച്ചുണ്ടായിരുന്നിട്ടും
ഒരു വാക്ക് പോലും പറയാന്‍ കഴിഞ്ഞില്ല
ഒരു വിളിപാടകലേ ഉണ്ടായിരുന്നിട്ടും
നിന്‍റെ മനസ്സ് കാണാന്‍ കഴിഞ്ഞില്ല
ആരുമറിയാതെ മനസ്സില്‍ മാത്രം കൊണ്ട് നടന്ന ഇഷ്ട്ടം ഈ അവസാന നിമിഷത്തില്‍ ഒരു തമാശ പോലെ പറയുമ്പോള്‍, സത്യമായും അറിഞ്ഞിരുന്നില്ല നിന്‍റെ മനസ്സില്‍ ഞാന്‍ ഉണ്ടായിരുന്നു എന്ന്

ഒടുവില്‍ പറയാന്‍ ഒരുപാട് ബാക്കി വെച്ചു നീ പോകുമ്പോള്‍
എനിക്ക് നഷ്ട്ടമാകുന്നത് ആത്മവഞ്ചനയുടെ മുള്ളുകള്‍ കൊണ്ട് വ്രണപ്പെട്ട എന്‍റെ ഹൃദയമാണ് ....